هەواڵ و میدیا

وەزیری گواستنەوە و گەیاندن سوپاسی كۆمپانیای فاست لینك دەكات

‎لە هەوڵێكی بێ وێنەدا كۆمپانیای فاست لینك هەڵسا بە دانانی (ئامێری وزەی سەوز) لەسەر زیاتر لە ٢٥٠ تاوەری گەیاندنی سەر بەكۆمپانیاكەیان بەمەبەستی پاراستنی ژینگەی كوردستان بەپێی ستانداردی نێودەوڵەتی  بە پشت بەستن بە وزەی سەوزی كارپێكراو ، 
‎لەبەرامبەر ئەمەشدا بەرێز (ئانۆ جەوهەر) وەزیری گواستنەوە و گەیاندن رێزوسوپاسی وەزارەتی ئاراستەی كۆمپانیای ناوبراوكرد  لەرێگەی بەرێز(ئەردەلان عوسمان گةردی) سەرۆكی جێبەجێ كاری كۆمپانیا.. 
‎لەدیدارێكدا وەزیری گواستنەوە و گەیاندن ئاماژەی بەوەدا كە ئەركێكی نیشتیمانی و ژینگەپارێزیە و هەوڵێكی باشە بۆ پاراستنی ژینگەی كوردستان وە هیوای خواست نمونەیان زۆربێت وجەختی کردووە لە سەر بەردەوام بوون لە جێ بە جێ کردنی ئەم پرۆژەیە تاوەکو زۆربەی زۆری تاوەرەکانی کۆمپانیای ناوبراو بە پشت بەستن بە  ئامێری وزەی سەوز کار بکەن لە داهاتوودا.